Ужо сёньня: гадавіна візыту Біла Клінтана ў Беларусь

Дата дня

15 студзеня 1994 году прэзыдэнт ЗША Біл Клінтан наведаў Беларусь з афіцыйным візытам.

Ён правёў сустрэчы са старшынём Вярхоўнага Савету Станіславам Шушкевічам, старшынём Савету міністраў Вячаславам Кебічам, кіраўніком парлямэнцкай Апазыцыі БНФ Зянонам Пазьняком. Таксама Клінтан выступіў перад моладзьдзю ў Акадэміі навук і наведаў Курапаты.

1943 — у ЗША скончанае будаўніцтва Пэнтагону, які лічыцца самым вялікім у сьвеце адміністрацыйным будынкам.

1991 — у Менску быў заснаваны Нацыянальны дзяржаўны гуманітарны ліцэй імя Якуба Коласа.

1994 — беларускія праваахоўнікі выдалі Літве былых кіраўнікоў кампартыі Літвы Мікаласа Буракявічуса і Юозаса Ермалавічуса, якіх абвінавачвалі ў спробе дзяржаўнага перавароту ў студзені 1991 году. Літоўскія камуністы знаходзіліся ў Беларусі нелегальна. Гэта было падставай для закрытага паседжаньня Вярхоўнага Савету, на якім дэпутат Лукашэнка прапанаваў паставіць пытаньне аб адстаўцы старшыні ВС Станіслава Шушкевіча.

1994 — «Народная газета» надрукавала артыкул Зянона Пазьняка «О русском империализме и его опасности», у якім лідэр БНФ напісаў, што і пры «дэмакратычнай» уладзе Расея не пазбавілася імпэрскіх комплексаў. У артыкуле адзначалася, што толькі нацыянальная ідэя і кансалідацыя можа ўратаваць беларусаў.

2001 — Джымі Ўэйлз і Лары Сангер заснавалі Вікіпэдыю.

1742 — Францішак Нарвойш, беларускі інжынэр, матэматык.

1850 — Соф’я Кавалеўская, расейскі матэматык і мэханік, першая ў сьвеце жанчына-прафэсар.

1891 — Восіп Мандэльштам, расейскі літаратар і перакладчык.

1900 — Павал Горын-Каляда, навуковец і дзяржаўны дзяяч.

1908 — Заір Азгур, скульптар.

1918 — Гамаль Абдэль Насэр, лідэр эгіпэцкай рэвалюцыі, другі прэзыдэнт Эгіпту.

1929 — Марцін Лютэр Кінг, барацьбіт за роўныя правы для афраамэрыканскіх грамадзянаў ЗША.

1936 — Янка Сіпакоў, пісьменьнік.

1994 — памёр Генадзь Каханоўскі, гісторык.

2000 — памёр Уладзімер Шыцік, пісьменьнік-фантаст.