Лінкі ўнівэрсальнага доступу

Журналіст Дудзінскі запісаў «відэапрызнаньне віны» ў абвале моста на Нямізе


Менск, Няміга, 8 студзеня 2022 г.
Менск, Няміга, 8 студзеня 2022 г.

Журналіст, былы тэлевядоўца БТ Дзяніс Дудзінскі запісаў іранічнае відэапрызнаньне віны ў абвале моста на Нямізе.

Ён разьмясьціў гэты ролік у сваім Інстаграме.

Я, Дзяніс Дудзінскі, 1974 году нараджэньня, прызнаюся, што ў пэрыяд з 1974-га па 2021 год мэтанакіравана хадзіў па мосьце на Нямізе, не паведаміўшы пра гэта адпаведным органам і не атрымаўшы на гэта дазволу вышэйстаячых інстанцыяў, што ў далейшым прывяло да далейшага расхістваньня жалезабэтонных канструкцыяў моста, яго падзеньня і зьмены рэжыму руху транспарту на вышэйпазначанай дарожнай артэрыі.

Я дзейнічаў у складзе незарэгістраванай групы, у склад якой уваходзіла яшчэ некалькі мільёнаў чалавек, якія штодзённа ўчынялі гэтае супрацьпраўнае дзеяньне.

Віну сваю прызнаю цалкам і раскайваюся.

А мы яшчэ ў сэкцыі па ёзе на мосьцік станавіліся. Пра гэта гаварыць?

У 2020 годзе Дудзінскі выказаў салідарнасьць з пратэстоўцамі. Тады ён быў пакараны адміністрацыйным арыштам, пад ціскам запісаў відэазварот з заклікам ня ўдзельнічаць у пратэстах.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG