Лінкі ўнівэрсальнага доступу

Кампанія Yara заявіла, што спыніць закупку калійных угнаеньняў у Беларусі да 1 красавіка, Ціханоўская вітала рашэньне


Свайн-Тур Гульсэтэр, кіраўнік кампаніі Yara

Кіраўніцтва Yara заявіла, што міжнародныя санкцыі зрабілі немагчымым працяг гандлю. Гэтая кампанія — ключавы партнэр «Беларуськалію».

Пра рашэньне паведаміла кампанія ў заяве на сваім сайце:

«Yara мае цьвёрдую прыхільнасьць да ўнівэрсальных правоў чалавека і асуджае ўсе формы рэпрэсій і парушэньняў правоў чалавека. Пры падтрымцы праваабарончых арганізацый і прафсаюзаў Yara імкнецца да пазытыўных зьмен, выкарыстоўваючы сваю прысутнасьць у Беларусі для прасоўваньня бясьпекі працы і правоў чалавека. Аднак наступствы цяперашніх санкцый супраць Беларусі на ланцужкі паставак прымусілі Yara ініцыяваць спыненьне паставак беларускага калію, ключавога інгрэдыенту для вытворчасьці мінэральных угнаеньняў, якія выкарыстоўваюцца ў вытворчасьці прадуктаў харчаваньня.

«Наступствы цяперашніх санкцый для Беларусі зьніжаюць здольнасьць Yara станоўча ўплываць на бясьпеку і дабрабыт работнікаў „Беларуськалію“. Для Yara гэта несуцяшальнае разьвіцьцё падзей. Мы па-ранейшаму цьвёрда адданыя бясьпецы і дабрабыту работнікаў „Беларуськалію“. Нягледзячы на спыненьне паставак калійных угнаеньняў, Yara імкнецца працягнуць праграму прамысловай бясьпекі, ініцыяваную ў 2021 годзе, у цесным супрацоўніцтве з незалежным прафсаюзам ААТ „Беларуськалій“ і ў поўнай адпаведнасьці з адпаведнымі санкцыямі», — сказаў Свайн Тур Гульсэтэр, прэзыдэнт і генэральны дырэктар Yara.

Yara імкнецца выконваць усе дзейныя законы і правілы, у тым ліку санкцыі. Нягледзячы на тое, што закупкі Yara зь Беларусі цалкам адпавядаюць дзейным санкцыям, іншыя часткі ланцужка паставак адмяняюць асноўныя паслугі, неабходныя для экспарту калійных угнаеньняў з Беларусі, у выніку чаго Yara ініцыявала спыненьне дзейнасці ў пошуку. Чакаецца, што ліквідацыя будзе завершана да 1 красавіка 2022 году.

Ціханоўская: «Yara зможа вярнуцца да партнэрства з прадпрыемствамі новай Беларусі»

На навіну адрэгавала Святлана Ціханоўская:

«Нарвэская кампанія Yara з 1 красавіка 2022 года цалкам спыняе закупкі ў Беларуськалія. У гэты дзень уваходзяць у сілу санкцыі ЗША на Беларускую калійную кампанію, якая зьяўляецца партнэрам Yara.

Гэта вынік зацятасьці беларусаў, якія патрабавалі паслядоўнасьці і рашучасьці ад нашых міжнародных партнэраў. Нам удалося данесьці да іх, што немагчыма перавыхаваць дыктатара. Лукашэнка страціў легітымнасьць і давер народу, цяпер ён утрымлівае ўладу катаваньнямі, парушае міжнародныя дамоўленасьці, ставіць пад пытаньне сувэрэнітэт Беларусі і бясьпеку рэгіёну. Ён павінен сысьці — тады наша краіна стане свабоднай ад гвалту, крызісу і санкцый, а Yara зможа вярнуцца да партнэрства з прадпрыемствамі новай Беларусі».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG