Лінкі ўнівэрсальнага доступу

Прэзыдэнт Ірляндыі прывітаў наданьне ірляндзкай мове статусу афіцыйнай мовы Эўразьвязу


Майкл Гігінс

Прэзыдэнт Ірляндыі Майкл Гігінс прывітаў тое, што ён назваў «знамянальным днём» для ірляндзкай мовы, бо яна атрымала поўны статус афіцыйнай мовы Эўрапейскага Зьвязу апоўначы 1 студзеня.

Пра гэта інфармуе партал rte.ie.

Гігінс сказаў, што гэта важнае прызнаньне на міжнародным узроўні «нашай спэцыфічнай ідэнтычнасьці як народу з адметнай уласнай мовай, якую мы выкарыстоўваем разам з усімі іншымі мовамі, якія мы ўжываем і паважаем».

У якасьці афіцыйнай мовы ўсе дакумэнты, якія публікуюцца ЭЗ, цяпер будуць перакладацца на ірляндзкую мову.

Гэта азначае канец дзейнай з 2007 году нормы, якая абмяжоўвала колькасьць матэрыялаў, што публікуюцца на ірляндзкай мове ўстановамі ЭЗ.

Прэзыдэнт Гігінс назваў гэты крок «значным дасягненьнем, і многім будзе прыемна даведацца, што ірляндзкая мова зараз будзе выкарыстоўвацца ў Эўрапейскім Зьвязе кожны дзень».

«Я не ўспрымаю сур’ёзна многія прычыны, па якіх людзі не заўсёды адчуваюць моцную сувязь з мовай, не ў апошнюю чаргу разнастайны досьвед, які людзі маглі атрымаць у сыстэме адукацыі ў мінулыя дзесяцігодзьдзі... Аднак я б параіў зрабіць адно вялікае намаганьне для мовы... Давайце пойдзем і прымем рашэньне заняць яму месца ў нашым паўсядзённым жыцьці дома — i lár an aonaigh, inár ngnáthcaint».

Вітаючы спыненьне абмежаваньняў, міністар эўрапейскіх справаў Томас Бірн сказаў: «Я бязьмерна ганаруся тым, што гэты адступ спыняецца і ірляндзкая мова зараз зьяўляецца паўнавартаснай афіцыйнай мовай ЭЗ.

«Гэта адлюстроўвае нястомную працу, накіраваную на нарошчваньне магчымасьцяў інстытутаў ЭЗ дзейнічаць праз ірляндцаў, і цалкам дарэчы, што гэта адбываецца ў годзе, калі мы таксама будзем адзначаць гістарычную 50-ю гадавіну з моманту падпісаньня Ірляндыяй Дамовы аб далучэньні да Эўрапейскіх супольнасьцяў».

На думку Бірна, спыненьне абмежаваньня зробіць паслугі ЭЗ больш даступнымі для ірляндцаў у краіне і за мяжой.

  • Асноўнай мовай зносін у Ірляндыі зьяўляецца ангельская. Афіцыйныя дакумэнты выдаюцца на дзьвюх мовах, гэтак жа, як на дзьвюх мовах часта выкананы надпісы на шыльдах, дарожных паказальніках. Ірляндзкую вывучаюць у школах, на ёй вядуцца некаторыя перадачы на радыё і тэлебачаньні, існуе ірляндзкамоўны канал TG4.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG