Лінкі ўнівэрсальнага доступу

Арыштаванага гаспадара бел-чырвона-белай хаты падманулі, каб ён спыніў галадоўку: нібыта зьнялі зь яго арышт 


Вёска Алёшча ля Полацку, хата Анатоля Каханчыка

З гаспадара бел-чырвона-белай хаты ля Полацку Анатоля Каханчыка не зьнялі адміністрацыйны арышт — яго могуць затрымаць у кожны момант.

Праваабаронцы «Вясны» даведаліся, што Анатоль Каханчык, гаспадар бел-чырвона-белай хаты, які цяпер ляжыць у шпіталі пасьля сухога галадаваньня, дагэтуль знаходзіцца пад адміністрацыйным арыштам.

Сам Анатоль учора пасьля шпіталізацыі паведаміў у фэйсбуку, што арышт зь яго нібыта зьнялі. Але выявілася, што арыштаванага гаспадара бел-чырвона-белай хаты проста падманулі, каб ён спыніў галадоўку.

Летась жыхар Полацку Анатоль Каханчык намаляваў на бацькоўскай хаце ў вёсцы Алёшча дзьве белыя і чырвоную палосы, а ў акне вывесіў «Пагоню». Пасьля гэтага пачаліся праблемы.

Анатоля Каханчыка затрымалі 20 сьнежня, калі ён прыйшоў па позьве ў міліцыю. Пагражалі крымінальнай справай, калі не перафарбуе дом. У выніку пакаралі 25-дзённым арыштам паводле арт. 24.23 КаАП.

Мужчына пяць дзён трымаў сухое галадаваньне і праз гэта трапіў у шпіталь, але нават там адмовіўся спыняць яго. Тады адміністрацыя ІЧУ паведаміла Анатолю, што афіцыйна зьняла зь яго арышт — толькі пасьля гэтага мужчына спыніў галадаваньне. Але выявілася, што арышту ніхто не здымаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG