Ужо сёньня: Гадавіна афіцыйнага зьнікненьня СССР; год таму — у Пецярбургу затрымалі ўдзельнікаў акцыі каля консульства Беларусі

У гэты дзень год таму:

• Стваральніцу «Прэс-клюбу» Юлію Слуцкую абвінавацілі ва ўхіленьні ад выплаты падаткаў, супрацоўнікаў арганізацыі — у саўдзеле.
• У Менску і іншых гарадах адбыліся акцыі пратэсту. У сталіцы з нацыянальнай сымболікай выйшлі ў Лошыцы і на вуліцы Маякоўскага, а ў Шабанах людзі сталі ў ланцуг з нацыянальнымі сьцягамі.
• У Пецярбургу затрымалі ўдзельнікаў акцыі каля консульства Беларусі, а перад гэтым забаранілі пікеты зь бел-чырвона-белай сымболікай

Дзень у гісторыі

1825 — у Расейскай імпэрыі ў дзень увацарэньня імпэратара Мікалая І адбылася спроба вайсковага перавароту («восстание декабристов»).

1926 — выйшаў на экраны адзін зь першых беларускіх мастацкіх фільмаў «Лясная быль». Зьняў яго кінарэжысэр Юры Тарыч паводле аповесьці Міхася Чарота «Сьвінапас».

1973 — прызямліўся касьмічны карабель Саюз-13, на борце якога быў і беларус Пятро Клімук.

1991 — Савет Рэспублік Вярхоўнага Савету СССР прыняў дэклярацыю аб спыненьні існаваньня СССР у сувязі з утварэньнем Садружнасьці Незалежных Дзяржаваў.

У гэты дзень нарадзіліся

1891 — Генры Мілер, амэрыканскі пісьменьнік і мастак.

1893 — Мао Цзэдун, кітайскі дзяржаўны дзеяч, кіраўнік камуністычнага Кітаю ў 1949-1976 гадах.

1893 — Яўген Цікоцкі, беларускі кампазытар, народны артыст Беларусі.

1931 — Аляксандар Талерчык, адзін з заснавальнікаў гарадзенскага гістарычна-культурнага таварыства «Паходня».

1937 — Уладзімер Гніламёдаў, беларускі літаратуразнаўца, акадэмік.

1953 — Тоомас Хэндрык Ільвэс, эстонскі палітык, прэзыдэнт Эстоніі.

У памяці

1913 — Амброз Бірс, амэрыканскі пісьменьнік і журналіст.

1978 — Язэп Германовіч, сьвятар, пісьменьнік, вязень ГУЛАГу, дзеяч паваеннай эміграцыі ў Вялікай Брытаніі.