Лінкі ўнівэрсальнага доступу

У Казахстане скасавалі сьмяротнае пакараньне, Беларусь застаецца апошнім катам Эўропы


Жанчыны на мітынгу ў Казахстане, люты 2021 году

Самым суворым пакараньнем у Казахстане будзе пажыцьцёвае зьняволеньне. Беларусь застаецца апошняй краінай Эўропы, дзе законна расстрэльваюць людзей.

Прэзыдэнт Казахстану Касым-Жамарт Такаеў адзначыў, што сьмяротнае пакараньне трэба скасаваць «без агаворак».

«Нашая краіна даводзіць, што падтрымлівае міжнародны рух, накіраваны на поўную адмену сьмяротнага пакараньня», — падкрэсьліў сьпікер сэнату Казахстану Маўлен Ашымбаеў.

Да таго ж, сэнат Казахстану прыняў закон у падтрымку бізнэсу — за шкоду, прынесеную бізнэсу, цяпер будуць адказваць чыноўнікі, і закон у абарону жывёлаў ад жорсткага стаўленьня.

Беларусь застаецца апошняй краінай кантынэнту, дзе працягваюць караць сьмерцю. Пры гэтым Лукашэнка рэдка замяняе сьмяротную кару на пажыцьцёвае зьняволеньне.

Сьмяротнае пакараньне ў Беларусі

  • Беларусь застаецца апошняй краінай Эўропы, дзе караюць сьмерцю.
  • Усяго за гады незалежнасьці ў Беларусі вынесьлі больш за 300 сьмяротных прысудаў.
  • Улады Беларусі не паведамляюць пра выкананьне сьмяротных прысудаў. Пра гэта ўдаецца даведацца з паказаньняў іншых сьмяротнікаў або ад праваабаронцаў, якія кантактуюць з роднымі асуджаных.
  • Эўразьвяз пэрыядычна заклікае Беларусь адмовіцца ад сьмяротнага пакараньня.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG