Лінкі ўнівэрсальнага доступу

Амбасады Нямеччыны і Швэцыі падтрымалі беларускіх палітвязьняў перад Калядамі


Амбасада Швэцыі ў Менску, архіўнае фота

На 21 сьнежня праваабаронцы прызналі палітвязьнямі ў Беларусі 933 чалавек.

Амбасада Нямеччыны ў Менску адправіла да Калядаў лісты 35 беларускім палітвязьням.

«З болем усьведамляем, што ў сямейныя сьвяты Калядаў і Новага году ў многіх беларускіх сем’ях за сталамі застанецца вольнае крэсла — месца бацькі, сына ці сябра, затрыманых з палітычных прычынаў», — напісалі на старонцы дыпмісіі ў Facebook.

У амбасадзе спадзяюцца, што дасланыя 35 лістоў у калёніі і сьледчыя ізалятары лісты падораць зьняволеным «крыху сіл і надзеі», бо выказваюць спагаду нямецкіх дыпляматаў да лёсу больш за 900 палітвязьняў.

Амбасада падкрэсьліла, што ўрад Нямеччыны патрабуе неадкладнага вызваленьня ўсіх палітзьняволеных у Беларусі.

Да акцыі салідарнасьці зь вязьнямі рэжыму Лукашэнкі далучылася і амбасада Швэцыі ў Менску.

«Гісторыя кожнага зьняволенага — красамоўнае сьведчаньне крызіснай сытуацыі з правамі чалавека ў Беларусі», — адзначаецца на старонцы дыпмісіі ў Facebook.
Перад Калядамі швэдзкія дыпляматы павіншавалі асуджаных Міколу Статкевіча, Леаніда Судаленку, Ірыну Шчасную, Яўгена Афнагеля, Максіма Вінярскага, Соф'ю Малашэвіч, Андрэя Скурко, Вольгу Класкоўскую ды іншых палітвязьняў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG