Лінкі ўнівэрсальнага доступу

Справу журналіста і спартоўца Аляксандра Івуліна перадалі ў суд


Аляксандар Івулін

Пра гэта паведаміла Генэральная пракуратура.

Івуліна вінавацяць у «арганізацыі і актыўным удзеле ў групавых дзеяньнях, якія груба парушаюць грамадзкі парадак».

Паводле матэрыялаў справы, Івулін 23 жніўня і 27 верасьня 2020 году рухаўся па праезнай частцы праспэкту Незалежнасьці і вуліцы Сурганава ў Менску і блякаваў рух транспарту. Яму пагражае да 4 гадоў калёніі.

Спартовы журналіст, аўтар папулярнага youtube-каналу «ЧестнОК» Аляксандар Івулін у зьняволеньні ўжо амаль 5 месяцаў, з 4 чэрвеня.

Спачатку яго затрымалі нібыта за бел-чырвона-белы сьцяг на бальконе, а затым ня выпусьцілі пасьля адміністрацыйных «сутак» і завялі на яго крымінальную справу паводле арт. 342 Крымінальнага кодэксу (арганізацыя групавых дзеяньняў, што груба парушаюць грамадзкі парадак).

У Беларусі на 15 сьнежня праваабаронцы прызналі палітвязьнямі 929 чалавек.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG