Абноўлены пералік КДБ апублікаваны на сайце ведамства.
Да ліку тэрарыстычных прылічаныя ініцыятывы аб’яднаньня «Кібэрпартызаны», «Дружыны народнай самаабароны — ДНС», «Буслы ляцяць». Унясеньне абнаўленьняў датавана 1 сьнежня, але новы сьпіс быў апублікаваны толькі 8 сьнежня.
Раней Вярхоўны суд Беларусі па заяве генэральнага пракурора Андрэя Шведа прызнаў аб’яднаньне «Супраціў», а таксама ініцыятывы «Кібэрпартызаны», «Дружыны Народнай Самаабароны — ДНС», «Буслы ляцяць», тэрарыстычнымі.
«У гэтай супольнасьці зь вясны 2021 году з выкарыстаньнем тэлеграм-каналаў і чатаў абмяркоўвалі, прапрацоўвалі, плянавалі і прапагандавалі акцыі тэрарыстычнай накіраванасьці. У прыватнасьці, падпалы і падрывы будынкаў, збудаваньняў і аўтатранспарту», — заявілі ў КДБ.
У Генпракуратуры лічаць, што кіраўнікі арганізацыі — двое беларусаў, якія жывуць у ЗША.
Група «Супраціў» — аб’яднаньне, якое займаецца змаганьнем з рэжымам Лукашэнкі, у яго ўваходзяць «Кібэрпартызаны», «Дружыны народнага супраціву» і ініцыятыва «Буслы ляцяць», якія раней дзейнічалі паасобна.
