Лінкі ўнівэрсальнага доступу

У «Белмэдпрэпаратах» расказалі, навошта закупляюць катоў і што зь імі будуць рабіць


Каты, ілюстрацыйнае фота
Каты, ілюстрацыйнае фота

1 сьнежня РУП «Белмэдпрэпараты» разьмясьціла на сайце дзяржзакупак тэндэр на закупку лябараторных жывёл: 300 трусоў, 240 марскіх сьвінак і 60 катоў.

На закуп жывёлаў, паводле тэндэру, плянуюць выдаткаваць агулам 14 140 рублёў (9000 рублёў — на 300 трусоў, 3700 рублёў — на 240 марскіх сьвінак, 1440 рублёў — на 60 катоў). Калі да правядзеньня досьледаў на грызунах шмат хто ўжо звык, то каты ў гэтым шэрагу шмат для каго выглядаюць дзіка.

Карэспандэнт Zerkalo.io патэлефанавала супрацоўніку, адказнаму за закуп, як звычайная жыхарка, неабыякавая да лёсу катоў, каб даведацца, якія дасьледаваньні могуць праводзіць на катах і што адбываецца з жывёламі пасьля іх.

Там званку зьдзівіліся, але растлумачылі: на жывёлах будуць праводзіць досьледы, у тым ліку ўваходны кантроль субстанцыі (якасьць кампанэнтаў). Таксама сказалі, што на іх будуць правяраць «пару» лекавых прэпаратаў.

На пытаньне, ці небясьпечна гэта для жывёл, супрацоўнік адказаў:

«Вядома, небясьпечна. Але іншага выйсьця няма, на некім жа трэба [правяраць прэпараты]. Гэта як лябараторныя жывёлы, гэта даўно ўжо выкарыстоўваецца. Мы ў асноўным выкарыстоўваем бадзяжных катоў, як правіла, больш-менш дарослых, — адказалі ў аддзеле забесьпячэньня прадпрыемства. — Магчыма, потым гэтых жывёл усыпляюць, але мы ня ведаем — мы проста пастаўляем на завод».

Якія менавіта прэпараты будуць даваць жывёлам, высьветліць не ўдалося. Таксама суразмоўца не адказаў, якія прэпараты зьбіраюцца выпрабоўваць — для людзей ці для жывёл (прадпрыемства выпускае і вэтэрынарныя прэпараты).

Лябараторныя дасьледаваньні на катах праводзяць ня толькі ў Беларусі. Паводле Амэрыканскага таварыства супраць вівісэкцыі (AAVS), катоў звычайна выкарыстоўваюць у нэўралягічных дасьледаваньнях для вывучэньня пашкоджаньняў сьпіннога мозгу, праблем, зьвязаных са зрокам, сном і слыхам, хваробы Паркінсана, раку, генэтычных парушэньняў, а таксама для дасьледаваньняў у галіне ВІЧ/СНІД, хоць гэта праблематычна, бо хваробы ў гэтых жывёл і ў людзей працякаюць па-рознаму.

Працэдуры, празь якія каты праходзяць падчас дасьледаваньняў, часта зьнясільваючыя, таму пасьля іх заканчэньня жывёл могуць усыпляць. Зоаабаронцы па ўсім сьвеце патрабуюць спыніць падобныя экспэрымэнты.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG