«Сродкі паражэньня выяўленыя на тэрыторыі дзьвюх прыватных паляўнічых баз, якія разьмешчаныя паблізу мяжы з Расейскай Фэдэрацыяй і Рэспублікай Беларусь. Падчас ператрусаў на месцы разьмяшчэньня аб’ектаў і па адрасах пражываньня прадстаўнікоў іх адміністрацыі праваахоўнікі выявілі ручны кулямёт Калашнікава калібру 7,62 мм, 4 вінтоўкі замежнай вытворчасьці з аптычным прыцэлам, прыладай для бясшумнай стральбы і цеплавізарам, пісталет Макарава, рэвальвэр і амаль 400 патронаў рознага калібру, дымавую шашку», — сказана ў паведамленьні.
Паводле зьвестак СБУ, таксама выяўлена больш за 400 адзінак спэцыяльных адмычак, каб таемна пранікаць у памяшканьні.
«Выяўленыя сродкі паражэньня і іншыя прадметы накіраваныя на экспэртызу. У межах крымінальнага вядзеньня паводле арт. 263 (незаконнае абыходжаньне са зброяй, боепрыпасамі або выбуховымі рэчывамі) Крымінальнага кодэксу Ўкраіны працягваецца дасудовае расьсьледаваньне», — сказана ў паведамленьні.
