Гэта адбылося пасьля таго, як затрымалі 7 старшаклясьнікаў, якія глядзелі сэрыял, паведамляе Радыё Свабодная Азія.
Паводле крыніц выданьня, кантрабандыст прывёз сэрыял з Кітаю на USB-флэшках. Школьніка, які купіў сэрыял, асудзілі на пажыцьцёвае зьняволеньне, а яшчэ шэсьць школьнікаў, якія глядзелі сэрыял, атрымалі па пяць гадоў папраўчых работ. Настаўнікаў і адміністрацыю ў іх школе звольнілі.
Цяперашнія арышты і прысуды — першы выпадак выкарыстаньня новага закону пра «Выкараненьне рэакцыйнага мысьленьня і культуры» ў дачыненьні да непаўналетніх.
Закон, прыняты летась, прадугледжвае пакараньне ажно да сьмяротнага за захоўваньне і пашырэньне інфармацыйных матэрыялаў з капіталістычных краінаў, асабліва з ЗША і Паўднёвай Карэі.
