Лінкі ўнівэрсальнага доступу

Белы дом: Байдэн мае намер удзельнічаць у выбарах 2024 году


Прэзыдэнт ЗША Джо Байдэн

Белы дом заяўляе, што прэзыдэнт ЗША Джо Байдэн плянуе ў 2024 годзе зноў удзельнічаць у прэзыдэнцкіх выбарах. Прэс-сакратарка Джэн Псакі заявіла журналістам 22 лістапада: «Так. Гэта ягоны намер».

Яна абвясьціла пра гэта на прэзідэнцкім самалёце Air Force One, калі Байдэн ляцеў на імпрэзу ў гонар Дня дзякаваньня на вайсковай базе Форт-Брэг, штат Паўночная Караліна.

На мінулым тыдні 79-гадовы дэмакрат прайшоў першы мэдычны агляд пасьля ўступленьня на пасаду ў студзені 2021 году.

Лекары абвясьцілі, што ён можа працаваць у якасьці прэзыдэнта, дадаўшы, што ў яго цяжкая хада і пэрыядычныя праблемы з кашлем, зьвязаныя з кіслотным рэфлюксам.

У апошнія месяцы рэйтынгі ўхваленьня Байдэна ўпалі, што прымусіла некаторых назіральнікаў задаць пытаньне, ці мае ён намер балятавацца на другі тэрмін. Прэзыдэнты ЗША абмежаваныя двума чатырохгадовымі тэрмінамі.

Дональд Трамп, 75-гадовы рэспубліканец, які пацярпеў паразу ад Байдэна на выбарах 2020 году, афіцыйна не абвясьціў, ці будзе ён зноў балятавацца.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG