Лінкі ўнівэрсальнага доступу

У ЗША прысяжныя апраўдалі 18-гадовага хлопца, якога абвінавачвалі ў падвойным забойстве падчас беспарадкаў улетку 2020-га


 Кайл Рытэнгаўс у судзе
Кайл Рытэнгаўс у судзе

Суд прысяжных у штаце Вісконсін прызнаў невінаватым па ўсіх пунктах 18-гадовага Кайла Рытэнгаўса. Яго абвінавачвалі ў наўмысным забойстве двух чалавек і яшчэ чатырох злачынствах падчас беспарадкаў у горадзе Кэноша ў жніўні 2020 года.

Рытэнгаўс у судзе настойваў, што дзейнічаў у мэтах самаабароны. У момант учыненьня злачынства, у якім яго абвінавачвалі, яму было 17 гадоў. Даючы ў судзе паказаньні аб падзеях 25 жніўня мінулага года, ён заплакаў.

Пракурор патрабаваў прызнаць дзеяньні Рытэнгаўса наўмыснымі. Прысяжныя прымалі рашэньне па справе амаль чатыры дні, засядаючы штодзень з 9:00 да 16:00 пачынаючы з 16 лістапада. Як удакладняюць экспэрты-юрысты ў эфіры CNN, абскардзіць рашэньне журы з 12 засядацеляў пракуратура ня зможа — гэта значыць Рытэнгаўс цалкам апраўданы.

Пратэсты ў Кэношы, штат Вісконсін, пачаліся пад лёзунгам Black Lives Matter праз тое, што паліцыянт пры затрыманьні цяжка паранілі афраамэрыканца Джэйкаба Блэйка, стрэліўшы яму ў сьпіну некалькі разоў. Падчас начных беспарадкаў узброены Рытэнгаўз прыехаў у Кэношу зь мястэчка ў Ілінойсе за 30 кілямэтраў ад гэтых месцаў: як ён тлумачыў, каб абараніць жыхароў гэтага горада і іх уласнасьць. Ён застрэліў няўзброенага Джозэфа Розэнбаўма, які спрабаваў адабраць у Рытэнгаўса вінтоўку пасьля таго, як пачуў стрэлы (па словах сьведкаў, іх зрабіў хтосьці іншы). Іншы чалавек, застрэлены Рытэнгаўсам, — Энтані Хубэр, ён ударыў узброенага падлетка скэйтам, калі той ляжаў на зямлі. Яшчэ адзін пацярпелы, паранены Гейдж Гроскройц, быў узброены пісталетам.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG