Лінкі ўнівэрсальнага доступу

Пасьля беспарадкаў на мяжы выявілі пашкоджаньне інтэрнэт-кабэлю ў польскім кірунку


Падчас беспарадкаў на беларуска-польскай мяжы.
Падчас беспарадкаў на беларуска-польскай мяжы.

Пашкоджаньне магістральнага інтэрнэт-каналу магло адбыцца праз сытуацыю зь мігрантамі на мяжы.

Праблемы з магістральным інтэрнэт-каналам у бок Польшчы пачаліся пасьля беспарадкаў на памежным пераходзе ў Брузгах.

Як піша Reform.by са спасылкай на свае крыніцы ў гэтай галіне,
быў пашкоджаны магістральны канал Беласток — Горадня міжнароднага магістральнага апэратара сувязі RETN.

Кабэль быў пракладзены ў раёне памежнага пераходу Брузгі — Кузніца і доступ да яго ў цяперашняй сытуацыі немагчымы менавіта ў гэтым раёне. Пэўна, тэхнічныя праблемы зьвязаныя зь цяперашнімі «беспарадкамі» на мяжы.

«Белтэлекам» ужо пракамэнтаваў праблемы з кабэлем:

«У сувязі з пашкоджаньнем кабэлю ў кірунку партнэра ў Польшчы магчымыя цяжкасьці з доступам у сетку інтэрнэт да рэсурсаў „заходняга“ сэгмэнта. Прыносім прабачэньні за прычыненыя нязручнасьці», — гаворыцца ў паведамленьні, апублікаваным на сайце кампаніі.

Аб прычынах пашкоджаньня «Белтэлекам» нічога не паведамляе.

Інфраструктура сетак сувязі «Белтэлекам» з краінамі-суседкамі.
Інфраструктура сетак сувязі «Белтэлекам» з краінамі-суседкамі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG