Лінкі ўнівэрсальнага доступу

Міжнароднага сакратара БСДП Валянціна Аскірку арыштавалі на 10 сутак


Валянцін Аскірка, архўнае фота
Валянцін Аскірка, архўнае фота

Суды ў Беларусі працягваюць караць беларусаў за пратэсты, а сілавікі арыштоўваць з палітычных матываў. Свабода сочыць за падзеямі.

Суд над Валянцінам Аскіркам прайшоў 18 лістапада. Яго асудзілі за парушэньне парадку правядзеньня масавых мерапрыемстваў (арт. 24.23 Адміністрацыйнага кодэксу), паведаміў у фэйсбуку старшыня БСДП Ігар Барысаў.

Валянціна Аскірку затрымалі 16 лістапада. Яго забралі з заняткаў, якія ён вёў у прыватнай школе.

Валянцін Аскірка 20 гадоў выкладаў фізыку ў Горадзенскім дзяржаўным унівэрсытэце. Пасьля 9 жніўня 2020 году ён разам зь яшчэ сямю выкладчыкамі падпісаў заклік да галіновага абласнога прафсаюзу з патрабаваньнем прызнаць факт фальсыфікацыі выбараў і спыніць гвалт.

Пазьней Аскірку не працягнулі кантракт і нават забаранілі ўваходзіць у будынак унівэрсытэту.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG