Лінкі ўнівэрсальнага доступу

Былы прэзыдэнт Грузіі Міхэіл Саакашвілі страціў прытомнасьць на 49-ы дзень галадоўкі


Міхэіл Саакашвілі

Былы прэзыдэнт Грузіі Міхэіл Саакашвілі, які абвясьціў галадоўку, страціў прытомнасьць пасьля сустрэчы з адвакатамі ў турэмным шпіталі. Пра гэта журналістам заявіў ягоны адвакат Бека Басілая.

Па словах Басілая, пасьля гэтага палітыка вынесьлі з памяшканьня на насілках. Пазьней ён паведаміў, што стан былога прэзыдэнта стабілізаваўся. «Не магу рабіць мэдычных ацэнак, але ён быў у вельмі цяжкім стане», — заявіў адвакат.

Саакашвілі трымае галадоўку зь першага кастрычніка. Спачатку ён патрабаваў спыніць свой крымінальны перасьлед. Цяпер — перавесьці яго ў цывільны шпіталь з турэмнага. Палітык быў арыштаваны па прыбыцьці ў Грузію, дзе завочна асуджаны па дзьвюх крымінальных справах. Зараз у краіне пачаўся яшчэ адзін суд, дзе ён — абвінавачаны.

Апазыцыя заяўляе, што перасьлед палітыка мае выключна палітычны характар. У падтрымку Саакашвілі галадаюць 10 дэпутатаў парлямэнту і адзін зь лідэраў апазыцыйнай партыі «Адзіны нацыянальны рух».

Да яго вызваленьня заклікалі шэраг дэпутатаў Эўрапарлямэнту і былыя прэзыдэнты Латвіі і Украіны. Каб вызваліць былога прэзыдэнта, указ аб яго памілаваньні павінна падпісаць прэзыдэнтка Грузіі Саламэ Зурабішвілі. Яна некалькі разоў заяўляла, што рабіць гэтага ня будзе.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG