Лінкі ўнівэрсальнага доступу

Facebook адмовіўся ад функцыі распазнаваньня асобы па твары


Кампанія Meta вырашыла адмовіцца ад функцыі распазнаваньня асобаў у сацыяльнай сетцы Facebook. Гэтая функцыя дазваляла аўтаматычна вызначаць на фота і відэа асобаў, якія далі дазвол на яе выкарыстаньне.

«Мы выдалім індывідуальныя шаблёны для ідэнтыфікацыі асобаў больш як аднаго мільярда чалавек», — паведаміла Meta ў аўторак, 2 лістапада. Заяву цытуе DW.

У кампаніі спаслаліся на мноства сумневаў, якія ўзьнікалі ў грамадзтве ў сувязі з тэхналёгіямі распазнаваньня асобы. Акрамя таго, у заканадаўстве яшчэ няма дакладных правілаў іх выкарыстаньня, таму было вырашана абмежаваць гэтую функцыю.

Функцыя існавала з 2010 году

Карыстальнікі Facebook павінны былі даваць згоду на тое, каб іх імёны аўтаматычна пазначаліся на фатаграфіях фрэндаў. Функцыя працавала ў сацсетцы з 2010 году. Паводле інфармацыі Facebook, яе выкарыстоўвалі больш за траціну актыўных карыстальнікаў. Пасьля адключэньня імёны карыстальнікаў зьнікнуць і з ужо апублікаваных фатаграфій. Калі менавіта зьмены ўступяць у сілу, не паведамляецца.

Канцэрн, які базуецца ў Каліфорніі, апошнім часам перажывае найцяжэйшы крызіс у сваёй гісторыі, адзначае AFP. У прыватнасьці, яго абвінавачваюць у недастатковых мерах барацьбы з распаўсюджваньнем нянавісьці, фэйкаў і псыхалягічнага цкаваньня на плятформе, а таксама ў адмове клапаціцца аб псыхічным здароўі непаўналетніх карыстальнікаў. У канцы кастрычніка канцэрн Facebook быў пераназваны ў Meta.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG