Лінкі ўнівэрсальнага доступу

Мінздароўя Беларусі хоча вакцынаваць 5 мільёнаў чалавек да канца году, каб спыніць эпідэмію каранавірусу


Каранавірусная палата, ілюстрацыйнае фота
Каранавірусная палата, ілюстрацыйнае фота

Кіраўнік ведамства Дзьмітры Піневіч заявіў, што зьнізілася колькасьць хворых на каранавірус і шпіталізаваных з пнэўманіяй.

У размове з журналістамі міністар аховы здароўя Беларусі сказаў, што аналіз сытуацыі выклікае «асьцярожны аптымізм».

Піневіч мяркуе, што да канца году прышчэпкі зробяць сама меней 5 мільёнаў беларусаў. На гэты момант прынамсі адзін кампанэнт вакцыны атрымалі прыкладна 2 мільёны 900 тысяч жыхароў краіны.

«У абароце цяпер знаходзіцца 1 мільён дозаў першых кампанэнтаў розных вакцынаў, таксама плянуем атрымаць яшчэ пастаўку. Мяркую, да заканчэньня гэтага году будзем мець лічбу ў 5 мільёнаў вакцынаваных. Гэта дазволіць нам спыніць эпідэміялягічны працэс», — цытуе міністра тэлеграм-канал ведамства.

Кіраўнік ведамства сказаў, што ў наяўнасьці дастаткова кітайскай вакцыны, якой прышчапляюць перадусім цяжарных і кормячых маці. Чыноўнік нагадаў, што разумнае дыстанцыяваньне і нашэньне масак — эфэктыўны элемэнт абароны.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG