Лінкі ўнівэрсальнага доступу

Офіс Ціханоўскай і ByPol заклікалі Інтэрпол спыніць супрацу зь беларускімі ўладамі


Офіс Сьвятланы Ціханоўскай і ініцыятыва былых сілавікоў ByPol адправілі афіцыйны ліст у Інтэрпол з просьбай спыніць супрацоўніцтва зь беларускім рэжымам.

Паводле аўтараў звароту, беларускія ўлады злоўжываюць магчымасьцямі Інтэрполу для перасьледу палітычных апанэнтаў, што забаронена правіламі арганізацыі.

У звароце нагадалі, што, паводле запісаў тэлефонных размоў сілавікоў, якія мае ByPol, у сьпіс Інтэрполу спрабавалі ўнесьці нават Сьвятлану Ціханоўскую. І хоць гэтую спробу Інтэрпол адхіліў, іншыя актывісты трапілі ў міжнародную базу вышуку, як, напрыклад, Вольга Вялічка і Макар Малахоўскі.

Малахоўскі нават правёў некалькі дзён у польскім пастарунку, пакуль яго ня вызваліў суд.

Сьвятлана Ціханоўская і прадстаўнікі ByPol гатовыя сустрэцца з прадстаўнікамі Інтэрполу ў Варшаве, Вільні ці францускім Ліёне, дзе месьціцца штаб-кватэра міжнароднай арганізацыі паліцыі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG