Лінкі ўнівэрсальнага доступу

ByPol: у Лідзе затрымалі наркагандляра — ім аказаўся міліцыянт, які браў удзел у разгонах пратэстаў


Наркотыкі, ілюстрацыйнае фота

Як сьцьвярджае ініцыятыва былых міліцыянтаў ByPol, затрыманы калегамі Дзьмітры М. летась актыўна ўдзельнічаў у задушэньні пратэстаў супраць Лукашэнкі ў Лідзе.

У сыстэме МУС кадравае надзвычайнае здарэньне, піша ініцыятыва ByPol. Супрацоўнікі ўпраўленьня па наркакантролі Горадзенскай вобласьці праводзілі ў Лідзе апэратыўна-вышуковае мерапрыемства «апэратыўны экспэрымэнт» у дачыненьні збытчыка псыхатропных рэчываў.

У момант «зьняцьця скарбу» затрымалі маладога супрацоўніка наркакантролю Ліды. Ім аказаўся актыўны ўдзельнік задушэньня народнага пратэсту ў жніўні 2020 году опэрупаўнаважаны Лідзкага РАУС старшы лейтэнант міліцыі Дзьмітры М. Цяпер яму пагражае крымінальная адказнасьць за абарачэньне наркотыкаў.

ByPol — ініцыятыва былых сілавікоў, якія адмовіліся служыць Лукашэнку і пайшлі ў адстаўку, арганізаваўшы за мяжой шэраг расьсьледаваньняў дзеяньняў былых калег у задушэньні пратэстаў у Беларусі. У сваіх публікацыях ByPol паказаў шмат выпадкаў сфабрыкаваных палітычных і непалітычных крымінальных спраў, перавышэньня службовых паўнамоцтваў, загадаў да катаваньняў людзей. Дзякуючы інфармацыі ініцыятывы высьветлілася шмат падрабязнасьцяў пра моцныя ўнутраныя канфлікты ў сілавых органах цяперашняй Беларусі.

Што такое ініцыятыва ByPol

У ініцыятыву ByPol уваходзяць былыя і цяперашнія працаўнікі сілавых структур, нязгодныя з гвалтам, фальсыфікацыямі і масавымі рэпрэсіямі, якія ўзмацніліся ў Беларусі пасьля выбараў 2020 году.

Згодна са справаздачай на тэлеграм-канале ByPol, унутраныя дакумэнты сілавых структур у офіс арганізацыі паступаюць штодня. Асаблівая ўвага надаецца супрацоўніцтву зь дзейнымі сілавікамі, якія сьвядома дапамагаюць апанэнтам рэжыму.

Як вынік, ByPol рэгулярна публікуе сакрэтныя ведамасныя ўказы і аўдыёзапісы перамоваў высокіх чыноў сілавога блёку (напрыклад, экс-старшыні КДБ Вадзіма Зайцава, былога начальніка ГУБАЗіК Мікалай Карпянкова ды іншых).

Цяпер ініцыятыва аб’ядноўвае ня толькі былых, а і дзейных беларускіх сілавікоў, уключна з супрацоўнікамі Камітэту дзяржбясьпекі, Апэратыўна-аналітычнага цэнтру, Службы бясьпекі прэзыдэнта ды іншых структураў.

У красавіку 2021 суд Чыгуначнага раёну Гомля прызнаў Telegram-канал ByPol экстрэмісцкім.

За лета арганізацыя ў супрацы зь кібэрпартызанамі апублікавала шэраг тэлефонным перамоваў сілавікоў вышэйшых зьвёнаў. Высьветлілася шмат падрабязнасьцяў пра прамыя загады зьбіваць і саджаць людзей за палітычныя погляды, выявіліся новыя выпадкі карупцыі ў сілавых органах.

8 лістапада суд вызнаў ByPol і распрацаваны ініцыятывай мабілізацыйны плян «Перамога» «экстрэмісцкімі фармаваньнямі».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG