Арыштаваны ў чэрвені журналіст Аляксандар Івулін, апавёў у лістах, што плянуе вакцынавацца ад каранавірусу, паведаміла Tribuna.com.
«На днях перачытваў Даўлатава і натрапіў на моцную цытату: «Человек привык себя спрашивать: кто я? Там ученый, американец, шофер, еврей, иммигрант. .. А надо бы все время себя спрашивать: не говно ли я?». Мяркуючы па вашай падтрымцы, я ня самы кепскі чалавек. Дзякуй вялікі.
Цяпер у лістах вы шмат пішаце мне пра ковід. У лістападзе я перанёс яго ў адносна лёгкай форме. Але наступствы адчуваў яшчэ пару месяцаў. Хварэць у другі раз? Не, дзякуй. Таму чакаю чаргі на вакцынацыю. Вось-вось будзе. Усім здароўя!» — напісаў Івулін.
Спартовы журналіст, аўтар папулярнага youtube-каналу «ЧестнОК» Аляксандар Івулін у зьняволеньні ад 4 чэрвеня.
Спачатку яго затрымалі нібыта за бел-чырвона-белы сьцяг на бальконе, а затым ня выпусьцілі пасьля адміністрацыйных «сутак» і завялі на яго крымінальную справу паводле арт. 342 Крымінальнага кодэксу (арганізацыя групавых дзеяньняў, што груба парушаюць грамадзкі парадак).
