Лінкі ўнівэрсальнага доступу

Лукашэнка: «Хопіць будаваць шпіталі і школы. Лішніх сродкаў няма»


Ілюстрацыйнае фота

Аляксандар Лукашэнка загадаў спыніць будаваць лякарні і школы, а вызваленыя грошы раздаць лекарам і настаўнікам.

«Хопіць будаваць шпіталі і школы, — сказаў Лукашэнка ў часе размовы з супрацоўнікамі Менскага абласнога клінічнага шпіталя. — Трэба гэтыя грошы аддаць у заробкі лекарам і настаўнікам. Лішніх сродкаў няма. А калі ёсьць, траціць будзем на абсталяваньне, лекі, навуку, укладаць у лекараў, а ня проста ў сьцены».

Пры гэтым паабяцаў, што замарожаны больш за 10 гадоў праект будаўніцтва новага корпусу абласной лякарні будзе завершаны зь фінансавай дапамогай Кітая. Але папярэдзіў: каб было аптымальна і функцыянальна, бо ў цяперашнім выглядзе «зашмат празьмернасьцяў».

Лукашэнка ў белым халаце наведаўся ў «чырвоную зону» лякарні, дзе лечаць пацыентаў з COVID-19, паведамілі афіцыйныя СМІ.

Раней Лукашэнка называў каранавірус «псыхозам» і «фэйкам». Гэтым разам ён заявіў, што гатовы прышчапіцца, але толькі беларускай вакцынай.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG