Лінкі ўнівэрсальнага доступу

Прадстаўнік ГУБАЗіК прапанаваў пазбаўляць грамадзянства тых, хто зьехаў зь Беларусі і «ненавідзіць» яе


Сядзіба ГУБАЗіК у Менску

Вячаслаў Арлоўскі, прадстаўнік ГУБАЗіК, у інтэрвію газэце «СБ. Беларусь сегодня» агучыў ідэю пазбаўляць грамадзянства людзей, якія зьехалі з Беларусі. У тым ліку і тых, хто мае грамадзянства па нараджэньні.

Арлоўскі нагадаў, што ў чэрвені ўступілі ў сілу ініцыяваныя МУС зьмены ў закон аб грамадзянстве:

«З гэтага моманту асобы, якія набылі беларускае грамадзянства, могуць яго страціць, калі паводле выраку суду яны будуць прызнаныя вінаватымі ва ўчыненьні шэрагу злачынстваў — экстрэмісцкіх, тэрарыстычных або такіх, якія спрычынілі цяжкую шкоду інтарэсам Беларусі, — сказаў Арлоўскі. — Ёсьць у гэтым сьпісе і артыкул 361 КК, пра які цяпер гаворым. Варта адзначыць, што гэтыя зьмены мы распрацоўвалі два гады. І тады гаворка ішла толькі аб страце грамадзянства асобамі, якія гэта грамадзянства набылі, а ня сталі беларусамі па праве нараджэньня. Але я лічу, што трэба паглядзець далей. Людзі, якія зьбеглі з нашай краіны, ненавідзяць яе і сёньня працуюць у інтарэсах заходніх краін, не павінны мець права называцца беларусамі».

Таму, на думку Арлоўскага, ёсьць неабходнасьць разгледзець пытаньне аб пазбаўленьні такіх людзей грамадзянства.

«Калі яны адвярнуліся ад краіны, чаму краіна ня можа адвярнуцца ад іх? У выніку яны ня змогуць прыехаць у Беларусь у вольным парадку, ня змогуць удзельнічаць у электаральных працэсах, грамадзка-палітычным жыцьці дзяржавы», — заявіў сілавік.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG