Лінкі ўнівэрсальнага доступу

Улады Каба-Вэрдэ выдалі ЗША пасланьніка Мадуры


Алекс Сааб

Улады астраўной афрыканскай дзяржавы Каба-Вэрдэ экстрадавалі ў ЗША грамадзяніна Вэнэсуэлы, бізнэсоўцу Алекса Сааба, паведаміў Дзярждэпартамэнт ЗША.

Яго абвінавачваюць у адмываньні грошай у інтарэсах рэжыму вэнэсуэльскага прэзыдэнта Нікаляса Мадуры, якога Вашынгтон ня лічыць легітымным кіраўніком дзяржавы. Сааб мае статус спэцыяльнага пасланьніка Мадуры.

Аб экстрадыцыі Сааба паведаміла ў суботу радыё Каба-Вэрдэ. Рашэньне аб тым, што ён можа быць выдадзены ЗША, прыняў у верасьні Канстытуцыйны суд краіны.

Бізнэсоўцу арыштавалі па выдадзеным ЗША міжнародным ордэры ў аэрапорце на востраве Сал у Каба-Вэрдэ ў чэрвені мінулага году, калі яго самалёт зрабіў пасадку для дазапраўкі на шляху з Вэнэсуэлы ў Іран. Улады Вэнэсуэлы заявілі пратэст, указаўшы на дыпляматычны статус Сааба, аднак суды ў Каба-Вэрдэ не прыслухаліся да іх аргумэнтаў.

Амэрыканскія ўлады гадамі дабівалася адказнасьці Сааба ў справе пра расьсьледаваньне продажу золата і нафты ў Вэнэсуэле ў парушэньне санкцыяў. Сааб і яго бізнэс-партнэр Альвара Пуліда таксама абвінавачваюцца ЗША ў кіраваньні сеткай, якая выкарыстоўвала харчовую дапамогу, прызначаную для Вэнэсуэлы.

18 кастрычніка Сааб павінен паўстаць перад судом у Фларыдзе.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG