Сёлета адзін з арганізатараў чытаньняў Зьміцер Дашкевіч прапанаваў зьмяніць фармат акцыі, паколькі ў сёньняшніх умовах небясьпечна ладзіць імпрэзы: сілавікі ўспрымаюць любы збор людзей як «несанкцыянаваную масавую акцыю».
«29 кастрычніка мы чарговы раз будзем узгадваць чорную ноч у гісторыі Беларусі. Такога злачынства, кажа Ўладзімер Арлоў, ня ведае гісторыя ніводнай эўрапейскай дзяржавы. Хацелася б 29 кастрычніка сустрэцца ў Курапатах — і, успамінаючы нявінна забітых, разважыць пра тое разам. Ды сем зьлейшых так узьбясіліся, што і гэтага ўжо ня зробіш. Але 29 кастрычніка запрашаю кожнага на сваім месцы згадаць „Ноч расстраляных паэтаў“: пад хэштэгам #Ночпаэтаў запішыце верш, прачытайце твор, паразважайце аб прычынах таго, што з намі адбывалася і адбываецца», — напісаў Дашкевіч.
29 кастрычніка 1937 году ў Курапатах пад Менскам карнікі савецкага НКУС расстралялі больш за 100 прадстаўнікоў беларускай інтэлігенцыі. Апошнія гады там праходзілі мэмарыяльныя сустрэчы, на якіх ушаноўвалі памяць расстраляных, чытаючы іх творы.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў