Лінкі ўнівэрсальнага доступу

ЭЗ і Рада Эўропы заклікалі Беларусь да адмены сьмяротнага пакараньня


Эўразьвяз і Рада Эўропы заявілі аб непрыманьні смяротнага пакараньня ва ўсіх краінах сьвету і пры любых абставінах.

«Сьмяротнае пакараньне — гэта жорсткае, бесчалавечнае і прыніжальнае для годнасьці пакараньне, якое супярэчыць праву на жыцьцё. Яго адмена неабходная дзеля павагі чалавечай годнасьці», — гаворыцца ў сумеснай заяве кіраўніка дыпляматыі ЭЗ Жузэпа Бурэля і генэральнага сакратара Рады Эўропы Марыі Пэйчынавіч-Бурыч з нагоды Эўрапейскага і Сусьветнага дня барацьбы супраць сьмяротнага пакараньня, які адзначаецца 10 кастрычніка.

«Мы заклікаем Беларусь перайсьці да адмены пакараньня сьмерцю», — гаворыцца ў заяве Бурэля і Пэйчынавіч-Бурыч.

У заяве падкрэсьліваецца, што адмена сьмяротнага пакараньня — гэта перш за ўсё пытаньне палітычнай волі. Лік краін, у якіх караюць сьмерцю людзей, працягвае скарачацца. У мінулым годзе пакараньні не праводзіліся ў 176 краінах. Гэта 91% дзяржаў-чальцоў ААН.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Ягор Марціновіч

Самае папулярнае

XS
SM
MD
LG