Беларускі піяніст Уладзіслаў Хандогі перамог на Міжнародным конкурсе фартэпіяннай музыкі, які прайшоў 15–19 верасьня ў італьянскім Сан-Рэма, паведаміла журы конкурсу.
19-гадовы Хандогі таксама атрымаў спэцыяльны прыз імя Аляксандра Скрабіна — вядомага расейскага кампазытара.
За першае месца беларусу дастануцца 6 тысяч эўра, а таксама права выступіць з сымфанічным аркестрам у Сан-Рэма ў сэзоне 2022 году.
На другім месцы апынулася Анфіса Бабылова з Украіны, а трэцяе месца дасталася гішпанцу Леа дэ Марыя.
