Лінкі ўнівэрсальнага доступу

​​​​​​​Зьняволены мастак Алесь Пушкін просіць перадаць на суд вышыванку


Алесь Пушкін у сваёй майстэрні, чэрвень 2020 году
Алесь Пушкін у сваёй майстэрні, чэрвень 2020 году

Мастак-палітвязень Алесь Пушкін напісаў, што тэрмін сьледзтва яму працягнулі да канца кастрычніка. Ён застаецца пад вартай у сьледчай турме ў Жодзіне.

Паводле жонкі мастака Яніны, ён просіць у лісьце, каб на суд яму перадалі кашулю-вышыванку з васількамі.

У лістах Алесь дасылае свае аўтапартрэты. Паводле Яніны, штомесяц ад Алеся прыходзіць адзін-два лісты.

Сям’я мастака жыве ў вёсцы Бобр у Крупскім раёне. Сын Алеся Пушкіна, выпускнік мясцовай школы, сёлета паступіў у Горадзенскі мэдычны ўнівэрсытэт.

У чым вінавацяць Алеся Пушкіна

30 сакавіка Алеся Пушкіна затрымалі ў вёсцы Жылічы Кіраўскага раёну, дзе ён працаваў на рэстаўрацыі палаца Булгакаў. Ён фігурант крымінальнай справы, якую пачала горадзенская пракуратура паводле ч. 3 арт.130 Крымінальнага кодэксу (распальваньне варожасьці). Паводле пракуратуры — «за ўчыненьне наўмысных дзеяньняў, накіраваных на рэабілітацыю і апраўданьне нацызму».

Падставай для гэтага стаў партрэт антысавецкага падпольшчыка Яўгена Жыхара «з аўтаматам на плячы», выстаўлены ў прыватным «Цэнтры гарадзкога жыцьця» ў Горадні. Мастака трымаюць у сьледчай турме ў Жодзіне.

У лісьце з-за кратаў Алесь Пушкін напісаў, што перасьлед пачаўся пасьля ягонага ўдзелу 25 сакавіка ў міжнароднай выставе беларускага мастацтва «Кожны дзень!» у Мастацкім арсэнале Кіева. Ён там выступіў і даў інтэрвію ўкраінскім СМІ.

Мастак сьцьвярджае, што яго перасьледуюць «за творчую дзейнасьць, іншадумства, неабыякавае стаўленьне да гісторыі свайго краю».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG