Лінкі ўнівэрсальнага доступу

Пазьняк: «Часовы ўрад будзе зыходзіць з нацыянальных інтарэсаў Беларусі, а не падыгрываць Пуціну, Маскве альбо Эўразьвязу»


Зянон Пазьняк. Архіўнае фота

Паводле Пазьняка, створаны ўрад у выпадку, калі спатрэбіцца яго прысутнасьць у Беларусі, павінен «датрымаць парадак і незалежнасьць» краіны.

Зянон Пазьняк расказаў падрабязнасьці стварэньня Часовага нацыянальнага ўраду Беларусі ў этэры тэлеканалу «Белсат». На яго думку, зараз беларусам важна не паўтарыць лёсу пратэстаў 2020 году, калі імі скарысталіся «чужыя людзі».

У цяперашні час беларусы перажываюць «гібрыдны генацыд», таму, лічыць Пазьняк, і заснаваны ўрад, які таксама будзе адказны за лёс Беларусі, рэформаў і выбараў у ёй. Ніякіх фінансавых сродкаў ці штабу ў Часовага нацыянальнага ўраду ня будзе, гэта фактычна «ценевы кабінэт».

«У 2018 годзе нашымі дэпутатамі Незалежнасьці створана праграма „Вольная Беларусь“, там ва ўсіх галінах зробленыя праектныя прапановы, у тым ліку ў мэдыцыне, эканоміцы. Існуе мэханізм, які рэальна можа прывесьці да зьмены ўлады ў Беларусі. Не хапала толькі палітычнай структуры, ураду, які будзе стаяць на нацыянальных пазыцыях і зыходзіць з нацыянальных інтарэсаў Беларусі, а не падыгрываць Пуціну, Маскве альбо Эўразьвязу».

Чальцы ценевага ўраду часткова знаходзяцца ў Беларусі, таму іхныя імёны ня будуць называцца; іншыя ўдзельнікі жывуць у Польшчы, Нямеччыне, ЗША і Літве.

Санкцыямі, накладзенымі заходнімі краінамі на ўладу Лукашэнкі, нішчацца ўсе кантакты, мяркуе палітык. У першую чаргу транспартныя: іх аднаўленьне было б выгаднае і беларускай эміграцыі, і апазыцыі, і ў пэўнай ступені Эўропе, ня толькі ўладам у Беларусі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG