Польшча ня будзе прымаць прашэньні аб прытулку ў парушальнікаў мяжы і забароніць ім уезд у Шэнген

Затрыманы за незаконнае перасячэньне беларуска-польскай мяжы іншаземец

• ня зможа падаць прашэньне аб прытулку (выключэньне толькі для тых, каму пагражае перасьлед менавіта ў Беларусі),
• будзе абавязаны пакінуць тэрыторыю Польшчы,
• атрымае часовую забарону на ўезд у краіны Шэнгенскага пагадненьня,

Тым, хто разбурае інфраструктуру на мяжы (платы, загароды, шлягбаумы), будзе пагражаць да 5 гадоў зьняволеньня.

За папраўкі прагаласавалі 244 дэпутаты, супраць — 178, 23 устрымаліся. Закон уступіць у сілу на наступны дзень пасьля яго апублікаваньня.

ГЛЯДЗІЦЕ ТАКСАМА:

Літва перастане прымаць прашэньні аб прытулку на сваёй тэрыторыі, — праект закону

Толькі ў жніўні трапіць у Польшчу зь Беларусі ў абыход пунктаў пропуску спрабавалі 1935 мігрантаў. 760 зь іх затрымалі, астатніх разьвярнулі.

17 верасьня перайсьці беларуска-польскую мяжу ў абыход пунктаў пропуску спрабавалі 243 разоў.

Прэмʼер-міністар Польшчы Матэвуш Маравецкі заявіў, што «ў Беларусі больш за 10 тысяч, а можа і больш асобаў, якія перамешчаныя з Блізкага Ўсходу, пераважна — з Іраку, а таксама з Сырыі, каб праводзіць гібрыдную атаку».

ГЛЯДЗІЦЕ ТАКСАМА:

Прэм’ер Польшчы: Правакацыя зь мігрантамі была інсьпіраваная ў Маскве