Лінкі ўнівэрсальнага доступу

Генпракуратура Беларусі выставіла ўльтыматум прыватнаму бізнэсу


Ілюстрацыйнае фота. Крама Symbal.by перад закрыцьцём. Чэрвень 2020 году

Намесьнік Генэральнага пракурора Беларусі Сяргей Хмарук заявіў, што адказнасьць для бізнэсоўцаў за «ўдзел у антыграмадзкай дзейнасьці» і яе фінансаваньні будзе вельмі строгай.

На думку Сяргея Хмарука, у Беларусі шмат робіцца для таго, каб «мінімізаваць праблемы бізнэсу», ствараць нармальныя ўмовы яго вядзеньня, ліквідаваць залішняе адміністраваньне.

«Але з другога боку, мы сутыкаемся з новымі выклікамі... Любы ўдзел у антыграмадзкай дзейнасьці прадстаўнікамі бізнэсу, фінансаваньне такой дзейнасьці, а таксама замах на грамадзкую і дзяржаўную бясьпеку будзе спыняцца самым жорсткім чынам, з прымяненьнем мераў адказнасьці», – заявіў намесьнік генпракурора.

Што ў ведамстве разумеюць пад «антыграмадзкай дзейнасьцю», Хмарук не патлумачыў.

19 жніўня Аляксандар Лукашэнка заявіў, што зь бізнэсам ніхто рахункі ня будзе зводзіць:

«Хтосьці памыліўся, хтосьці заблукаў, хтосьці няправільна зразумеў нешта. Трэба зь імі паразумецца. Я гатовы нават на маім узроўні гэта рабіць, калі вы знойдзеце адпаведную форму. Але тых, хто працаваў сумленна ў нас, тых, хто хоча да нас прыйсьці працаваць, мы павінны іх прымаць як сваіх людзей, якія ствараюць карысьць для народу і дзяржавы».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG