Паліцыя налічыла 3500 пешых маніфэстантаў і 10 000 удзельнікаў роварнага прабегу, які прайшоў мірна. Аднак паліцыянты ўжылі дубінкі і пярцовы газ падчас сутычкі з пратэстоўцамі ля дрэў, на якія забраліся актывісты, паведамляе DW.
Велапрабег і дэманстрацыю арганізавала аб'яднаньне экалягічных арганізацый, якія патрабуюць «адмовы ад палітыкі дарожнага руху, у якім пераважаюць аўтамабілі», і таго, каб прыярытэт аддаваўся пешаходам, раварыстам і грамадзкаму транспарту.
Актывісты і дэманстранты крытыкуюць IAA і аўтамабільныя кампаніі, абвінавачваючы іх, сярод іншага, у тым, што аўтасалён толькі з выгляду прапагандуе «зялёныя» каштоўнасьці, а ў рэальнасьці для абароны клімату робіцца занадта мала.
Пратэсты супраць IAA Mobility праходзяць на працягу некалькіх дзён. 10 верасьня адбыліся сутыкненьні паміж паліцыяй і сотнямі актывістаў, у ходзе якіх паліцэйскія ўжылі дубінкі і пярцовы газ.
