Сайт «Вясна» паведамляе, што суд пастанавіў пакараць Ліпеня штрафам у памеры 1000 рублёў, без дабаўленьня тэрміну абмежаваньня волі.
Дагэтуль яго судзілі за абразу супрацоўнікаў міліцыі ў сацыяльных сетках тройчы: 13 красавіка, 31 мая і 15 ліпеня. Агулам Ліпень быў асуджаны на 5 гадоў абмежаваньня волі ва ўстанове адкрытага тыпу.
Крымінальныя справы былі заведзеныя за тое, што на працягу двух месяцаў Аляксей пакідаў абразьлівыя камэнтары і пагрозы на адрас міліцыянтаў у адным з тэлеграм-каналаў.
Беларуская праваабарончая супольнасьць прызнала Аляксея Ліпеня палітычным зьняволеным.
Паводле ранейшых прысудаў абвінавачаны павінен быў сплаціць кампэнсацыю маральнай шкоды, нанесенай пацярпелым супрацоўнікам міліцыі, у памеры 5500 рублёў і судовыя выдаткі ў памеры 522 рублі.
