Панджшэр заставаўся апошняй тэрыторыяй у Афганістане па-за кантролем талібаў, якія нядаўна вярнуліся да ўлады ў краіне.
Апазыцыя ў Панджшэры адхіляе сьцьвярджэньні, што талібы нанесьлі ёй канчатковае паражэньне, паведамляе Reuters. Але атрымаць незалежнае пацьвярджэньне хоць якой інфармацыі адтуль пакуль складана. Талібы адключылі тэлефонную сувязь, інтэрнэт і лініі электраперадачы.
- Большая частка тэрыторыі Афганістану перайшла ў рукі талібаў тры тыдні таму. 15 жніўня яны занялі сталіцу краіны Кабул. Гэта прывяло да развалу ўраду, які падтрымлівалі заходнія саюзьнікі. Чакаецца, што з дня на дзень талібы могуць абвясьціць аб новым урадзе.
- У Панджшэрскай даліне, за сто кілямэтраў на паўночны ўсход ад Кабулу, увесь гэты час ішлі цяжкія баі. Выклік Талібану там кінулі праціўнікі ісламісцкага руху, якія аб’ядналіся ў Нацыянальны фронт супраціву Афганістану.
