Інфармацыю пра вызваленьне Андрэя Купрэенкі зь нявольніцтва ў Кабардзіна-Балкарыі распаўсюдзіла расейская некамэрцыйная арганізацыя «Альтэрнатыва». МУС Беларусі заявіла, што мужчына ня быў у рабстве.
Паводле інфармацыі ведамства, у 2007 годзе маці Андрэя Купрэенкі падала заяву аб зьнікненьні ў Калінкавіцкі РАУС, мужчыну абвясьцілі ў вышук.
У 2018 годзе ён трапіўся на вочы паліцыі Кабардзіна-Балкарыі, тады ж падаў заяву на спыненьне вышуку.
Беларус тады пісьмова паведаміў, што да яго ніхто не стасаваў незаконных дзеяньняў. Крымінальную справу ў Беларусі аб зьнікненьні спынілі.
У 2019 годзе Андрэй Купрэенка, як інфармуе МУС, атрымаў на радзіме новы пашпарт, бо згубіў стары.
Іншых паведамленьняў пра зьнікненьне мужчыны міліцыя не атрымлівала.