Лінкі ўнівэрсальнага доступу

Амэрыканскі генэрал: у Афганістане, хутчэй за ўсё, пачнецца грамадзянская вайна


Генэрал Марк Мілі

У Афганістане, хутчэй за ўсё, выбухне грамадзянская вайна, заявіў кіраўнік Аб’яднанага камітэту начальнікаў штабоў узброеных сіл ЗША, папярэдзіўшы, што ў гэтых умовах у краіне могуць адрадзіцца тэрарыстычныя групоўкі.

«Паводле маіх вайсковых ацэнак, сытуацыя, хутчэй за ўсё, перарасьце ў грамадзянскую вайну», — заявіў генэрал Марк Мілі тэлекампаніі Fox News.

Ён выказаў сумнеў, што Талібан, які пакуль не абвясьціў складу ўраду, зможа кансалідаваць уладу і ўсталяваць эфэктыўнае кіраваньне.

«Думаю, што, па меншай меры, ёсьць вельмі высокая верагоднасьць больш шырокай грамадзянскай вайны, і гэта, у сваю чаргу, прывядзе да ўмоў, якія могуць прывесьці да аднаўленьня „Аль-Каіды“ або ўздыму „ісламскай дзяржавы“ або іншых… тэрарыстычных груповак», — цытуе генэрала «Голас Амэрыкі».

«Вельмі верагодна, што ўзьнікнуць умовы, пры якіх адбудзецца адраджэньне тэрарызму ў гэтым рэгіёне ў бліжэйшыя 12-24-36 месяцаў», — заявіў генэрал Мілі, выступаючы на канале Fox News.

  • ЗША ўвайшлі ў Афганістан і зрынулі першы рэжым талібаў у 2001 годзе пасьля тэрактаў 11 верасьня, учыненых «Аль-Каідай», якая знайшла прытулак у гэтай краіне. 30 жніўня 2021 году ЗША завяршылі эвакуацыю сваіх войскаў з Афганістану. Уся тэрыторыя краіны, за выняткам правінцыі Панджшэр на поўначы, кантралюецца Талібанам. Заходнія ўрады асьцерагаюцца, што Афганістан можа зноў стаць прытулкам для экстрэмістаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG