4 жніўня ў навінах зьявілася інфармацыя, што аднаму з палітзьняволеных удалося ўцячы з «хіміі». Гэта быў Дзьмітры Кулакоў, якога ў канцы 2020-га асудзілі на 3,5 года за тое, што ён у тэлеграм-канале абразіў міліцыянта.
Гэта была ня першая спроба Дзьмітрыя. Папярэдняя пацярпела няўдачу, калі ён спрабаваў перасячы мяжу празь некалькі дзён пасьля прысуду.
Пра тое, як жылося на «хіміі» і чаму вырашыў уцякаць, — у відэа Радыё Свабода.
