Лінкі ўнівэрсальнага доступу

Былога кіраўніка «Аховы птушак Бацькаўшчыны» арыштавалі на 12 сутак


Віктар Фянчук
Віктар Фянчук

Віктара Фенчука затрымалі 31 жніўня, пазьней яму прысудзілі адміністрацыйны арышт.

Артыкул, паводле якога асудзілі Фенчука, невядомы. Інфармацыю пра ягоны арышт на 12 сутак апублікаваў тэлеграм-канал «Списки Окрестина». Пасьля вынясеньня пастановы аб адміністрацыйным арышце Фянчук знаходзіцца ў ЦІП на Акрэсьціна.

Віктар Фянчук — вядомы беларускі дзеяч у сфэры аховы навакольнага асяродзьдзя, сябра Франкфурцкага заалягічнага таварыства. Раней ён узначальваў «Ахову птушак Бацькаўшчыны». У 2014 годзе пераехаў у Белавескую пушчу, дзе ўдзельнічаў у праграме падтрымкі запаведнасьці.

8 лістапада 2020 году Фенчука затрымалі за ўдзел у акцыі пратэсту і прысудзілі 15 дзён арышту.

31 жніўня ў Менску ў «Ахове птушак Бацькаўшчыны» прайшоў ператрус. Сілавікі папрасілі копіі некаторых фінансавых дакумэнтаў і праверылі тэлефоны супрацоўнікаў.

«Ахова птушак Бацькаўшчыны» — экалягічная грамадзкая арганізацыя, якая працуе дзеля захаваньня разнастайнасьці відаў і экасыстэм у Беларусі, залучаючы беларусаў да актыўнай аховы прыроды. Яна паўстала ў 1985 годзе як Беларускае аддзяленьне Ўсесаюзнага арніталягічнага таварыства.

Цяперашнюю назву арганізацыя носіць з 1995 году, калі аддзяленьне аб’ядналася з Заходне-Беларускім таварыствам аховы птушак. У 1999 годзе АПБ атрымала статус афіцыйнага прадстаўніка BirdLife International у Беларусі і афіцыйна назірае за птушкамі, супрацоўнічае з арнітолягамі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG