Лінкі ўнівэрсальнага доступу

Памёр чэмпіён СССР у футболе ў складзе менскага «Дынама» Юры Пудышаў


Юры Пудышаў
Юры Пудышаў

Вядомаму футбалісту і трэнэру было 67 гадоў.

Пра сьмерць футбаліста паведамляе тэлеграм-канал «Родны футбол».

Юры Пудышаў нарадзіўся ў 1954 годзе ў Калінінградзе, кар’еру пачаў у маскоўскім «Дынама», а ў 1976 годзе прыехаў у Беларусь, каб гуляць за «Дынама» менскае. У 1982 годзе абаронца ў складзе менчукоў стаў чэмпіёнам СССР — тады беларуская каманда ў першы і апошні раз стала найлепшай у Савецкім Саюзе.

25 кастрычніка 2010 году Пудышаў усталяваў рэкорд чэмпіянатаў Беларусі, выйшаўшы на поле ў складзе берасьцейскага «Дынама» ва ўзросьце 56 гадоў на 90-й хвіліне ў матчы з барысаўскім БАТЭ.

Юры Пудышаў праславіўся як майстар досьціпаў і розыгрышаў. Ён да апошніх дзён заставаўся ў футболе, з 2011 году працаваў у сыстэме БАТЭ трэнэрам дублюючага складу.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG