Жнівеньскі тыдзень 91-га. Дзень трэці: путч правальваецца, Дземянцей баіцца, што павесяць «на вяроўцы бяз мыла», Гарбачоў вяртаецца ў Маскву

Як гэта адбывалася? Хроніка падзеяў.

ГЛЯДЗІЦЕ ТАКСАМА:

Жнівеньскі тыдзень 91-га. Дзень першы: Ельцын у Маскве, а Пазьняк у Менску заклікаюць да супраціву

• Ля Белага дому ў Маскве, дзе месьціўся Вярхоўны Савет РСФСР і знаходзіўся Барыс Ельцын, зрасталіся на ноч некалькі дзясяткаў тысяч чалавек.

• У Маскве ўначы загінулі 22-гадовы Дзьмітрый Комарь, 28-гадовы Ільля Крычэўскі і 37-гадовы Дзьмітры Вусаў, якія на ўезьдзе ў тунэль на Калінінскім праспэкце спрабавалі спыніць калёну бронетэхнікі.

• Камандзір падразьдзяленьня КДБ «Альфа» атрымаў загад вывучыць магчымасьць штурму будынку Вярхоўнага Савета РСФСР, дзе знаходзіўся штаб прэзыдэнта Расеі Барыса Ельцына і ягонага арышту.

ГЛЯДЗІЦЕ ТАКСАМА:

Жнівеньскі тыдзень 91-га. Дзень другі: дэпутаты БНФ праводзяць мітынг, шахтары Салігорску заяўляюць пра страйк

• Камандаваньне «Альфы», правёўшы рэкагнасцыроўку, прыйшло да высновы, што штурм будынку зойме каля 15 хвілінаў, аднак давядзецца прарывацца праз натоўп і колькасьць ахвяраў можа дасягнуць некалькіх тысячаў чалавек.
• Пад раніцу, даведаўшыся пра гібель Комаря, Крычэўскага і Вусава, міністар абароны СССР маршал Дзьмітрый Язаў аддаў загад аб вывадзе войскаў з Масквы.
• Фактычна, не правядзеньне «Альфай» штурму Белага дому і загад Язава вывесьці войскі з Масквы перадвызначылі паразу ГКЧП.
• Некалькі членаў ГКЧП, у тым ліку і старшыня КДБ Кручкоў, вылецелі ў Крым для перамоў з прэзыдэнтам СССР Міхаілам Гарбачовым, аднак Гарбачоў адмовіўся іх прыняць.

ГЛЯДЗІЦЕ ТАКСАМА:

Гарбачоў заявіў, што ўрокі путчу 91-га актуальныя і сёньня — трэба адстойваць дэмакратыю і выключыць магчымасьць узурпацыі ўлады

• Адразу пасьля аднаўленьне сувязі Гарбачоў скасоўвае рашэньні ГКЧП і тэлефануе кіраўнікам рэспублік, у тым ліку і старшыні Вярхоўнага Савета БССР Мікалаю Дземянцею. Той дакладае прэзыдэнту СССР, што «у Беларусі ўсё было ў межах Канстытуцыі».
• Пасьля размовы з Гарбачовым да Дземянцея прыйшлі дэпутаты Апазыцыі БНФ, якія ізноў запатрабавалі склікаць нечарговую сэсію. «Што вы са мной зробіце, павесіце на вяроўцы бяз мыла?» — запытаўся Дземянцей.

• У Менску на плошчы перад Домам ураду на заклік БНФ адбыўся мітынг з патрабаваньнем склікаць нечарговую сэсію.
• Да Гарбачова прыляцела і дэлегацыя паплечнікаў Ельцына на чале з віцэ-прэзыдэнтам РСФСР Аляксандрам Руцкім. На іх самалёце Гарбачоў разам з членамі сям’і і вяртаецца ў Маскву.

• Тым жа самалётам вязуць і старшыню КДБ Кручкова — каб лайнэр ня быў зьбіты па загаду кіраўніцтьва КДБ. Па прылёце ў Маскву Кручкова арыштоўваюць, як і іншых членаў ГКЧП.

ГЛЯДЗІЦЕ ТАКСАМА:

Ці перамог путч 1991 году? Дыскусія экспэртаў

ГЛЯДЗІЦЕ ТАКСАМА:

Дзьве контрарэвалюцыі з розьніцай у 30 гадоў: у чым падабенства і адрозьненьне