У Сібіры згарэла палова Нямеччыны: Плошча лясных пажараў ідзе да абсалютнага рэкорду

11 жнівень 2021, 22:18

Зрабіце Свабоду прыярытэтнай крыніцай ў Google

Плошча лясных пажараў у Сібіры працягвае павялічвацца і ідзе да таго, каб усталяваць абсалютны рэкорд за ўвесь час даступнай статыстыкі.

Паводле дадзеных Greenpeace Russia, ад пачатку году да 10 жніўня плошча, пройдзеная агнём, дасягнула 16,451 млн га, або 164,5 тысячы квадратных кілямэтраў.

У попел ператварыліся лясныя масівы на тэрыторыі, якая магла б зьмясціць усю Грэцыю (131,9 тысячы кв км), чатыры Даніі (43 тысячы кв км) або палову Нямеччыны (357 тысяч кв км).

Пажар за 30 кілямэтраў на поўнач ад Атэнаў, 6 жніўня 2021 г.

ГЛЯДЗІЦЕ ТАКСАМА:

Пажары ў Грэцыі выклікалі масавую эвакуацыю. ФОТА

Толькі за мінулыя суткі плошча пажараў павялічылася на 0,4 млн га, ахапіўшы прастору, роўную Маскве і Санкт-Пецярбургу разам узятым (0,26 і 0,14 млн га адпаведна).

Зонай бедзтва застаецца Якуція, дзе лютуюць 323 пажары.

Пажары ў Турэччыне наблізіліся да курортаў, турыстаў просяць устрымацца ад паездак. ФОТАГАЛЕРЭЯ

1/12 Турыстам, якія адпачываюць у Антальі, рэкамэндавана не пакідаць гатэляў

2/12 Пажары ў Турэччыне ўзьніклі на тле высокіх тэмпэратур (больш за 40 градусаў) і ветранага надвор'я

3/12 Сотні пажарных змагаюцца з агнём пры падтрымцы верталётаў і самалётаў

4/12 Пажар распаўсюдзіўся на рэгіён, дзе разьмешчаныя турыстычныя курорты, у прыватнасьці, у правінцыях Анталія, Адана, Мэрсін і Мугла – папулярных у тым ліку і для беларускіх турыстаў

5/12 Улады высьвятляюць прычыны пажараў. Але дырэктар па сувязях прэзыдэнта Турэччыны, выказаў здагадку ў Twitter, што пажары былі выкліканыя падпалам, дадаўшы, што «вінаватыя панясуць адказнасьць».

6/12 Найбольшая канцэнтрацыя пажараў – уздоўж Міжземнага мора на ўсход ад Анталіі, вобласьці са шматлікімі гатэлямі і курортамі

7/12 Як найменш тры чалавекі загінулі, агульная колькасьць пацярпелых дасягнула 410 чалавек

8/12 У МЗС Беларусі кажуць, што сярод пацярпелых беларусаў няма.

«Эвакуацыя турыстаў з узьбярэжжа пакуль не плянуецца», – заяўляюць у амбасадзе Беларусі. Але амбасада рэкамэндавала беларусам устрымацца ад паездак у пацярпелыя рэгіёны — 9/12 «Эвакуацыя турыстаў з узьбярэжжа пакуль не плянуецца», – заяўляюць у амбасадзе Беларусі. Але амбасада рэкамэндавала беларусам устрымацца ад паездак у пацярпелыя рэгіёны

10/12 У раёнах стыхійнага бедзтва назіраюцца перабоі з электрычнасьцю, таму рэкамэндуецца загадзя зарадзіць тэлефоны і іншыя прылады для сувязі

11/12 У тушэньні пажараў, якое ўскладняюцца моцным ветрам і гарачым надвор'ем, задзейнічана больш за 4000 чалавек, 457 адзінак тэхнікі і 35 самалётаў

12/12 У тушэньні пажараў дапамагае авіяцыя некалькіх краін, у тым ліку два верталёты беларускіх ратавальнікаў

Рэзкае пагаршэньне сытуацыі прынёс жнівень, з пачатку якога зона пажараў, прызнаных немэтазгоднымі да тушэньня, вырасла ў 2,5 разы, ахінуўшы зьедлівым дымам больш за тысячу населеных пунктаў і зрабіўшы Якуцію найбуйнейшай у сьвеце крыніцай выкідаў вуглякіслага і ўгарнага газу.

Расьцягнуўшыся ад Манголіі да Паўночнага полюсу, дым сібірскіх пажараў ахутаў імглою неба ў Якуцку, Новасібірску і Краснаярску, аэрапорт якога трэці дзень запар вымушаны затрымліваць і адмяняць рэйсы — у сярэднім па 30 у дзень. У асноўным праблемы ўзьнікаюць раніцай, калі смог робіцца найбольш густым.

Лінкі ўнівэрсальнага доступу

Сачыце за абнаўленьнямі

У Сібіры згарэла палова Нямеччыны: Плошча лясных пажараў ідзе да абсалютнага рэкорду

Пажары ў Грэцыі выклікалі масавую эвакуацыю. ФОТА

Пажары ў Турэччыне наблізіліся да курортаў, турыстаў просяць устрымацца ад паездак. ФОТАГАЛЕРЭЯ

Тэмы гэтага артыкулу