Грошы будуць накіраваныя на пашырэньне магчымасьцяў краіны прымаць мігрантаў у сувязі з павелічэньнем іх плыні празь беларуска-літоўскую мяжу:
- прыёмныя пункты,
- мэдычная дапамога,
- вакцынаваньне і ізаляцыя,
- адзеньне,
- харчаваньне,
- гігіенічныя наборы.
Сродкі выдзяляюцца з Фонду прытулку, міграцыі і інтэграцыі.
За кошт сродкаў таксама мяркуецца ўзмацніць групы рэагаваньня для выяўленьня патэнцыйных ахвяр гандлю людзьмі і людзей, якія маюць патрэбу ў міжнароднай абароне.
На пачатку жніўня камісар па ўнутраных справах Ільва Югансан і экспэрты Эўракамісіі наведалі Літву. Па выніках іх візыту і было прынятае рашэньне выдзеліць сродкі.
- Сёлета ў Літву церазь мяжу зь Беларусьсю трапіла больш за 4 тысячы нелегальных мігрантаў, пераважна з Іраку. Пасьля таго як Літва пачала вяртаць мігрантаў у Беларусь, павялічыўся іх паток церазь мяжу з Польшчай і Латвіяй.
