Лінкі ўнівэрсальнага доступу

Літва прапануе да 300 эўра мігрантам, якія згодзяцца вярнуцца дахаты


Лягер мігрантаў у Літве

Нерэгулярныя мігранты ў Літве могуць разьлічваць на суму да 300 эўра, калі пагодзяцца вярнуцца на радзіму.

Пра гэта апавяла ў эфіры літоўскага радыё (LRT) дырэктарка дэпартамэнту міграцыі Эвэліна Гудзінскайце.

Паводле яе, грошы мігрантам будуць выдаваць гатоўкай у аэрапорце перад пасадкай у самалёт.

Дагэтуль мігранты маглі разьлічваць толькі на фінансавую дапамогу ў вяртаньні ад Міжнароднай арганізацыі міграцыі ў Літве. Але гэта не наяўныя грошы, казаў раней кіраўнік літоўскага прадстаўніцтва арганізацыі ў эфіры LRT.

Сёлета ў Літву церазь мяжу зь Беларусьсю трапіла больш за 4 тысячы нелегальных мігрантаў, пераважна з Іраку. Пасьля таго, як Літва стала ўжываць меры па вяртаньні мігрантаў у Беларусь, іх паток павялічыўся церазь мяжу з Польшчай і Латвіяй.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG