Лінкі ўнівэрсальнага доступу

У Нікарагуа арыштавалі сёмага прэтэндэнта на пасаду прэзыдэнта


Прэзыдэнт Нікарагуа Даніэль Артэга

Рэпрэсіі супраць апазыцыі ў Нікарагуа адбываюцца на падставе прынятага ў сьнежні закону, якія забараняе балятавацца ў прэзыдэнты палітыкам, што заклікаюць уводзіць санкцыі супраць уладаў.

Ноэль Відорэ стаў сёмым патэнцыйным кандыдатам у прэзыдэнты, арыштаваным у Нікарагуа. Як паведамляе ў нядзелю, 25 ліпеня, агенцтва AFP 66-гадовы палітык, які прадстаўляе апазыцыйную групу Alianza Ciudadanos por la Libertad, зьмешчаны пад хатні арышт па абвінавачваньні ў «падрыве сувэрэнітэту» Нікарагуа.

Прэзыдэнцкія выбары ў Нікарагуа павінны адбыцца 7 лістапада. Рэгістрацыя кандыдатаў будзе праходзіць з 28 ліпеня па 2 жніўня. Асноўным прэтэндэнтам на пасаду лічыцца цяперашні кіраўнік дзяржавы, лідэр кіроўнага «сандынісцкаму фронту нацыянальнага вызваленьня» Даніэль Артэга. 75-гадовы палітык будзе балятавацца на прэзыдэнцкіх выбарах у чацьвёрты раз запар. Упершыню Артэга ўзначаліў Нікарагуа ў 1985 годзе, але ў 1990 годзе прайграў выбары Віялеце Чамора, якая прадстаўляла «Нацыянальны саюз апазыцыі». У 2007 годзе Артэга вярнуўся да ўлады.

Рэпрэсіі супраць апазыцыі ў краіне пачаліся 2 чэрвеня. Агулам улады на сёньняшні дзень арыштавалі 28 чалавек, якіх абвінавачваюць у «пагрозе сувэрэнітэту» Нікарагуа. Першай была арыштаваная Крысьціяна Чамора. Паводле ацэнак экспэртаў, у дачкі экс-прэзыдэнткі краіны Віялеты Чамора былі самыя добрыя шанцы перамагчы Артэгу на выбарах.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG