Лінкі ўнівэрсальнага доступу

Ціханоўская ў ЗША ўсклала кветкі да помнікаў Касьцюшку, ахвярам Галадамору і камунізму


Сьвятлана Ціханоўская на сустрэчы зь беларускай дыяспарай у Вашынгтоне, 20 ліпеня 2021 г.

Сьвятлана Ціханоўская разам з амбасадаркай ЗША ў Беларусі Джулі Фішэр ды амбасадарамі Літвы і Польшчы ў ЗША ўсклала кветкі да мэмарыялу нацыянальнага героя Тадэвуша Касьцюшкі.

«Як і Касьцюшка, беларусы клапоцяцца аб свабодзе будучага пакаленьня і пішуць гісторыю. Я ўпэўнена, што гэта будзе гісторыя пра тое, як жаданьне свабоды перамагло рэжым», — заявіла Ціханоўская.

Разам з амбасадаркай Украіны ў ЗША Аксанай Маркаравай Сьвятлана Ціханоўская ўсклала кветкі і да мэмарыялу ахвяр Галадамору:

«Гэта адзін з самых барбарскіх актаў ХХ стагодзьдзя, і ён нагадвае нам пра тую цану, якую мы заплацілі за камунізм. Галадамор закрануў і нашу нацыю: ад 100 да 500 тысяч беларусаў загінулі», — сказала яна.

Ціханоўская таксама ўсклала кветкі да мэмарыялу ахвяр камунізму.

«Гэты рэжым — часткова спадчына камунізму. Калі беларусы выйшлі пратэставаць супраць скрадзенага шанцу вырвацца на волю, рэжым разьвязаў рэпрэсіі. Нягледзячы на гэта, беларусы змагаюцца. Любоў да свабоды акажацца мацнейшай за турму, сьцены якой абавязкова абрынуцца», — заявіла яна.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG