15 ліпеня ўвечары затрыманага гарадзенскага праваабаронцу Віктара Сазонава выпусьцілі з ізалятара часовага ўтрыманьня пад падпіску аб нявыезьдзе, паведамляе Радыё Рацыя. Цяпер у Сазонава статус падазраванага. У дзень затрыманьня ператрус адбыўся ў кватэры і офісным памяшканьні праваабаронцы, пасьля чаго Сазонава забралі на допыт, а потым змясцілі ў ІЧУ.
Затрыманы 15 ліпеня праваабаронца Алесь Капуцкі паведаміў у фэйсбуку ўвечары, што ён на волі.
15 ліпеня адпусьцілі таксама праваабаронцу «Вясны» і журналіста Сяргея Сыса, затрыманага пазаўчора ў межах крымінальнай справы. Яго вызвалілі пасьля допыту пад падпіску аб нявыезьдзе.
За кратамі застаюцца праваабаронцы:
- Алесь Бяляцкі, кіраўнік «Вясны»
- Уладзімір Лабковіч, юрыст «Вясны»
- Валянцін Стэфановіч, сябра рады «Вясны»
- Алена Лапцёнак, праваабаронца «Вясны»
- Андрэй Палуда, праваабаронца «Вясны»
- Марына Статкевіч, былая сябра «Вясны»
- Яўгенія Бабаева, праваабаронца
- Ніна Лабковіч, дырэктарка аб’яднаньня інвэстараў Angels Band
- Мікола Шарах, кіраўнік ячэйкі свабоднага прафсаюзу з Полацку
- Сяргей Мацкевіч, цэнтар «Супольнасьць»
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў