Лінкі ўнівэрсальнага доступу

Колькасьць пацярпелых на атракцыёнах у Александрыі ўзрасла да 7 чалавек


Ілюстрацыйнае фота
Ілюстрацыйнае фота

«Іх жыцьцю нічога не пагражае», – заявіў начальнік галоўнага ўпраўленьня аховы здароўя Магілёўскага аблвыканкаму Аляксандр Старавойтаў.

Адну дзяўчынку з падазрэньнем на пералом адправілі ў Магілёў для кампутарнай тамаграфіі, паведамляе Sputnik Беларусь.

Сёньня надзвычайная сытуацыя здарылася на радзіме Аляксандра Лукашэнкі, дзе праходзіць фэст «Александрыя сустракае сяброў». Моцны вецер узьняў у паветра батут, на якім забаўляліся дзеці. Спачатку Міністэрства аховы здароўя паведамляла, што па мэдычную дапамогу зьвярнуліся 5 чалавек – двое дзяцей і трое дарослых, стан усіх пацыентаў здавальняючы.

Паводле інфармацыі Свабоды, на месцы працуюць хірургі і траўматолягі.

Сам Лукашэнка, паводле,тэлеграм-каналу «Пул первого» разьяжджаў на матацыкле савецкай маркі Урал за пяць кілямэтраў ад фэстывальнай пляцоўкі, ля сваёй рэзыдэнцыі Александрыя 2.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG