Лінкі ўнівэрсальнага доступу

Павал Севярынец з турмы прыслаў сям'і партрэт сына


Суд над Паўлам Севярынцам. Магілёў, 25 траўня 2021
Суд над Паўлам Севярынцам. Магілёў, 25 траўня 2021

На днях стане вядомая дата апэляцыйнага суду па скарзе палітвязьня Паўла Севярынца. Сам суд і перавод у калонію мусіць адбыцца цягам наступных месяцаў.

Паводле жонкі палітвязьня Вольгі Севярынец, сам суд і перавод у калёнію мусіць адбыцца на працягу бліжэйшых месяцаў.

«Учора ён даслаў Францішку ліст з партрэцікам: у іх асобная перапіска, Францішак малюе тату малюнкі, Паша яму — машынкі, і піша неймаверна пяшчотныя лісточкі ад таты сыну. Як сын падрасьце, будзе перачытваць іх і ганарыцца сваім татам яшчэ больш», — напісала жонка палітвязьня Вольга Севярынец.

Таксама Вольга зазначае, што Павал больш-менш у норме, наколькі гэта магчыма ў турме: піша працяг раману, складае хрысьціянскую віктарыну, адпісвае лісты.

У найбліжэйшы час Павал Севярынец будзе заставацца ў Магілёве. Адрас для лістоў: 212011, г. Магілёў, вул. Крупскай, 99а, СТ-4.

Павал Севярынец — апазыцыйны палітык, сузаснавальнік партыі Беларуская хрысьціянская дэмакратыя, пісьменьнік. Сёлета ў сьнежні яму споўніцца 45 гадоў. Быў затрыманы супрацоўнікамі міліцыі летась 7 чэрвеня. У дачыненьні да яго тады былі вынесеныя тры пастановы аб адміністрацыйных арыштах па 15 сутак кожная за ўдзел у перадвыбарчых пікетах і заклікі да ўдзелу ў масавых мерапрыемствах. Таксама яму далучылі 30 дзён арышту за ўдзел у антыінтэграцыйных акцыях пратэсту ў сьнежні 2019-га і студзені 2020-га.

Пасьля 75 сутак Паўла Севярынца ня выпусьцілі на волю, а перавялі ў СІЗА № 1 у статусе падазраванага паводле арт. 293 КК (арганізацыя масавых беспарадкаў). Там прад’явілі абвінавачаньне.

25 траўня ў Магілёўскім абласным судзе Севярынцу абвясьцілі прысуд. Судзьдзя Ірына Ланчава асудзіла палітыка да 7 гадоў калёніі ўзмоцненага рэжыму.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG